«ՀՀՌՑ» ՓԲԸ օբյեկտներում գործող, ընկերությանը պատկանող տեխնոլոգիական սարքավորումները ծառայում են ՀՀ տարածքում թվային հեռուստատեսային և հանրային ռադիոյի FM հեռարձակման համար։

Թվային հեռուստատեսային հեռարձակման ցանցը կառուցվել է 2014-2015 թվականներին։ Սարքավորումները 10 տարվա շուրջօրյա աշխատանքի արդյունքում ֆիզիկապես և բարոյապես մաշվել են և առաջիկա տարիներին ենթակա են փոխարինման։

FM ռադիոհեռարձակման սարքավորումները էլ ավելի հին են (ցանցը կառուցվել է 2003-2006 թվականներին)։ Ռադիոյի պարագայում ցանցի վերազինումը նախատեսվում է կատարել թվային ռադիոհեռարձակման համակարգի ներդրմամբ։

ԾՐԱԳՐԻ ՆՊԱՏԱԿՆԵՐԸ

ՀՀՌՑ-ի հեռուստառադիոհաղորդիչ ցանցի շահագործման պայմանների բարելավման և շահագործողական աշխատանքների կազմակերպման նոր մոդելի ներդրումը հետապնդում է հետևյալ հիմնական նպատակները.

• Հեռուստակայաններում անվտանգության նոր, ժամանակակից համակարգերի տեղադրում,

• Հեռարձակման տեխնիկական միջոցների շահագործման պայմանների բարելավում,

• Հեռուստակայանների հուսալիության բարձրացում,

• Ենթակառուցվածքների արդիականացում,

• Սպասարկման և շահագործման աշխատանքների կազմակերպման նոր, ժամանակակից մոդելի ներդրում։

ԱԿՆԿԱԼՎՈՂ ԱՐԴՅՈՒՆՔՆԵՐԸ

 Ծրագրի իրականացման արդյունքում ակնկալվում է՝

• Նպաստել հեռուստառադիոհաղորդիչ ցանցի տեխնիկական հուսալիության և գործառնական կայունության բարձրացմանը,

• Ապահովել կայաններում անվտանգության և վերահսկելիության նոր մակարդակ,

• Ստեղծել տեխնոլոգիական ավելի արդյունավետ միջավայր սարքավորումների շահագործման համար,

• Նվազեցնել տեխնիկական անսարքությունների հաճախականությունը և սպասարկման հետ կապված ծախսերը,

• Կառավարման մեջ նվազեցնել մարդկային գործոնի ազդեցությունը՝ այն փոխարինելով ավտոմատացված համակարգերով։